Dilemem cānā ģamuñdan kurtıluban şād olam
Bend-i zülfüñe esirem istemem āzād olam

Tañ degüldür kūh-ı ģamda eylesem Ferhād'a țan
Fenn-i ışķı başa iltmiş ben de bir üstād olam

Meclis-i cānānede yā Rab olur mı kim aceb
Ehl-i ışķ añıldugınca ben de anda yād olam

Ger yaparsa bu yıkuk göñlüm evin bir seng-ile
Tā ķıyāmet Ka be-i ulyā haķı ābād olam

İy Muhibbi iletür kūyına ol vaķtin sabā
Rāh-ı kūyında ģubār olup meger berbād olam

Serv mi ķaddüñ ü ya țūbi vü ya ar ar didüm
Didi saña ne biter ya serv ü ya şimşād olam

Muhibbi